Alexander Einbjörnsson var fæddur á Borgarholti í Miklaholtshreppi 24. júní 1922. Hann lést á Borgarspítalanum 20. nóvember 2015. Foreldrar hans voru Einbjörn Þórðarson bóndi í Straumfjarðartungu (1887-1957) og Ragnheiður G. Kristjánsdóttir húsmóðir (1883-1966). Systir hans var Vigdís Einbjarnardóttir (1917-1998).

Eiginkona hans var Helga Bogadóttir fædd á Seyðisfirði 9. mars 1932 d. 23. júlí 2014. Foreldrar Helgu voru Bogi Friðriksson verslunarmaður á Seyðisfirði og Þórunn Vilhjálmsdóttir húsmóðir. Alexander og Helga giftust árið 1956 og bjuggu alla sína tíð í Kópavogi, fyrst við Álfhólsveg en byggðu síðan hús við Lyngbrekku 8 og fluttu í það árið 1959.

Alexander vann við ýmis störf sem ungur maður m.a. í vegavinnu og við bílaviðgerðir, en lengst af var hann einyrki með verkstæði í kjallara heimilisins á Lyngbrekku 8. Alexander var mikill handverksmaður og hagleiks smiður, jafnvígur á tré og járn og eftir hann liggja ótal fallegir hlutir úr smíðajárni, útskurður, renndir hlutir og ýmislegt fleira, eins og heimili hans ber vitni um. Hann stundaði nám við handíðaskólann sem ungur maður.

Börn Helgu og Alexanders eru Þóra Björg f. 1955, maki Ólafur Sturla Hafsteinsson f. 1954. Börn þeirra eru Alexander Ingvar f. 1973, Íris f. 1977, Ingvi Steinn f. 1983 og Helgi Freyr f. 1992. Ragnheiður Krístín f. 1959, Björn Eðvarð f. 1962, maki Ari Halldórsson og Örn f. 1966, maki Ragnhildur Þórhallsdóttir. Börn þeirra eru Arnbjörg f. 1992, Bergdís f. 1995 og Hákon Elliði f. 2000. Barnabarnabörnin eru átta.

Alexander Einbjörnsson

Athugasemd