Almennar upplýsingar

  • Nafn tengiliðar: Bryndís Rafnsdóttir
  • Netfang: hbrsk@simnet.is
  • Staðsetning: Sveitarfélagið Vogar - Suðurnes

Söguágrip

Heimildir eru til um kirkju á Kálfatjörn allt frá árinu 1200. Kirkjan var þá helguð Pétri Postula.

Núverandi kirkja var vígð 11.júní 1893 af Hallgrími Sveinssyni þáverandi biskupi. Einn helsti hvatamaður að byggingunni var sr.Stefán Thorarensen, sem var sóknarprestur að Kálfatjörn 1857-1886. Byggingartími kirkjunnar var frá vori 1892 til vígsludags.

Kirkjan er að mestu í upprunalegri mynd utan efsti hluti turnsins, sem ber annan svip. Hann var endurbyggður 1935 vegna vatnsskemmda. Kirkjan tekur um 200 manns og er þá þröngt setið.

Teiknari og yfirsmiður var Guðmundur Jakobsson, byggingameistari og með honum vann að smíðinni Sigurjón Jónsson, trésmiður. Margir fleiri lögðu hönd á plóginn og er þá einkum vert að minnast Þorkels Jónssonar frá Móakoti.

Grunnbyggingu annaðist Magnús Árnason, steinsmiður frá Holti í Hlöðversneshverfi. Að lokinni trésmíði málaði danskur listamaður, Nicolaj Sofus Bertelsen, kirkjuna að innan. Sú málning er enn á kirkjunni. Kirkjan er nú á varðveisluskrá Þjóðminjavarðar.

Altaristaflan er máluð af Sigurði Guðmundssyni eftir mynd Wegeners “Upprisan” frá 1847. Frummyndin er í Dómkirkjunni í Reykjavík. Kirkjumunir eru flestir gefnir af sóknarbörnum og öðrum velunnurum kirkjunnar. Pípuorgel var keypt fyrir gjafafé og vígt 6.okt.1985.

Kirkjunni hafa þjónað:
Stefán Thorarensen 1857 - 1886.
Árni Þorsteinsson 1886 - 1919.
Árni Björnsson 1919 - 1932.
Garðar Þorsteinsson 1932 - 1966.
Bragi Friðriksson 1966 - 1997.
Hans Markús Árnason 1997 - 2002.
Friðrik Hjartar 2000 - 2002.
Carlos Ferrer tók við í sept. 2002

Gagnvirkt kort af kirkjugarðinum