Almennar upplýsingar

  • Nafn tengiliðar: Einar Tr. Thorlacius
  • Staðsetning: Eyjafjarðarsveit - Norðurland eystra

Söguágrip

Grundarkirkja var vígð 1905, reist á kostnað Magnúsar Sigurðssonar bónda og kaupmanns, er bjó hér stórbúi 1874 - 1925. Hún er glæsilegasta kirkja í sveit hérlendis, smíðuð að fyrirsögn Magnúsar. Yfirsmiður var Ásmundur Bjarnason sem teiknaði kirkjuna.



Kirkju er fyrst getið á Grund 1106, en hún stóð fyrrum í kirkjugarði. Var hin síðasta smíðuð 1842 af Ólafi Briem, bónda þar og timburmeistara. Fornir kirkjugripir frá Grund, smelt bókarspjöld, kaleikar og útskornir stólar, eru varðveittir í söfnum. Grundarkirkja var helguð heilögum Lárentíusi í kaþólskum sið. Á 13. öld bjó hér Sighvatur Sturluson er féll í Örlygsstaða-bardaga 1238. Síðar bjó Þórður kakali Sighvatsson hér um hríð. Á 16. öld bjó á Grund Þórunn dóttir Jóns biskups Arasonar. Hún mun hafa átt Grundarstólinn svonefnda sem er í Þjóðminjasafni. Á 18. öld bjó hér Þórarinn Jónsson sýslumaður sem Thorarensensætt er frá komin.

Gagnvirkt kort af kirkjugarðinum