Miðgarðar eru bær og kirkjustaður í Grímsey. Þar voru kaþólskar kirkjur helgaðar Ólafi helga Noregskonungi. Kirkjan, sem nú stendur, var byggð 1867. Árni Hallgrímsson frá Garðsá í Garðsárdal var yfirsmiður. Árið 1932 var kirkjan færð um lengd sína frá Miðgarðabænum vegna eldhættu. Þá var byggður kór og forkirkja með turni við hana. Yfirsmiður var Helgi Ólafsson.

Gagnger endurbót fór fram 1956 hana annaðist Einar Einarsson, smiður og djákni (1961-1967). Sama ár var kirkjan endurvígð. Einar gerði tréskurðarmyndina á útihurðinni en hún sýnir Jesú í bátnum, þegar hann kyrrði vind og vatn. Einar skar líka út prédikunarstólinn auk skírnarsás. Altaristaflan sýnir kvöldmáltíðina og yfir henni er ævagamall marmarakross með Kristslíkneski úr kaþólskum sið.